අපගේ මෙහෙවර
දේව වචනයෙහි මුල් බැස, ශුද්ධාත්මයාණන් වහන්සේගෙන් පිරී, කිතුනු චරිතයෙහි පරිණත, උසස්ම ශාස්ත්‍රීය ප්‍රමිතීන් අනුව දේවගැති සේවයෙහි නිපුණ පුරුෂයන් හා කාන්තාවන් පුහුණු කිරීමටත්, ගුණාත්මක භාවයෙන් සපිරි කිතුනු සම්පත් නිර්මාණය කිරීමටත්, දෙවියන්වහන්සේ කොළඹ දේවධර්ම ශාස්ත්‍රාලය කැඳවා ඇත.
CTS හි සුවිශේෂී ලක්ෂණය වන්නේ සභාවල සහ සංවිධානවල සමස්ත නායකත්වය සන්නද්ධ කිරීමයි. දේවසේවයේ, ධර්මදූත මෙහෙවර ක්‍ෂේත්‍රයේ හෝ අවශ්‍යතා ඇති තැන්වල පුද්ගලයන් ක්‍රිස්තුස්වහන්සේට සේවය කළත්, යේසුස්වහන්සේ උදෙසා ඵලදායී වීමට කොළඹ දේවධර්ම ශාස්ත්‍රාලය ඔවුන්ට බලය ලබා දෙයි.
ඇදහිලි ප්‍රකාශය
ශුද්ධ ලියවිල්ලේ පැරණි හා නව ගිවිසුමට අයත් පොත් හැටහය, මුලින් දුන් ලෙස පූර්ණ දේවානුභාවයෙන් පවතින බවත් ඒවායේ සහතික කරන සියල්ල නිරවද්‍ය බවත් අපි විශ්වාස කරමු.
වැඩිදුර කියවන්න
අධ්‍යාපනික දර්ශනය
අධ්‍යාපනික දර්ශනය යනු ශාස්ත්‍රාලයක් ලෙස අපගේ අරමුණු, ගුරුවරුන් ලෙස අපගේ භූමිකා සහ ශිෂ්‍යයාගේ භූමිකාව පිළිබඳ අපගේ අරමුණු සහ විශ්වාසයන් දැක්වෙන විස්තරයකි.
වැඩිදුර කියවන්න
පිළිගැනීම
දෙවියන්වහන්සේට සේවය කිරීමට උනන්දුවක් දක්වන කිතුනුවන් CTS හි ඉගෙනීමට හෝ CTS හි හවුල්කරුවෙකු වීමට සලකා බැලිය යුතු ප්‍රධාන හේතුවක් වන්නේ අපගේ විශ්වසනීයත්වයයි.
වැඩිදුර කියවන්න
අපගේ ගුරු මණ්ඩලය ජීවිත කාලය පුරාම ඉගෙනගන්නවුන් වන අතර අපගේ ශිෂ්‍යයන්ද එලෙසම වන ලෙස අපි ඔවුන් දිරිගන්වන්නෙමු
අපගේ ප්‍රාදේශීය අධ්‍යයන මධ්‍යස්ථාන
කොළඹ දේවධර්ම ශාස්ත්‍රාලය ආරම්භයේ සිටම සැලකිල්ල යොමු කළ වැදගත් අංගයක් වූයේ දිවයින පුරා විසිරී සිටින හැකියාව සහිත සිසුන්ට වඩාත් පහසුවෙන් ලබා ගත හැකි ආකාරයට අධ්‍යයන පාඨමාලා ඉදිරිපත් කිරීමයි.
ඒ සම්බන්ධයෙන් වූ ජ්වලිතය සිංහල, දෙමළ සහ ඉංග්‍රීසි මාධ්‍යයන්ගෙන් උපාධිය ලබා දීමේ ත්‍රෛභාෂා සෙමනේරියක් ආරම්භ කිරීමේ තීරණයේ දක්වා වර්ධනය විය. එහිදී දේශීය හා සන්දර්භගත මෙහෙවර සම්පූර්ණ කිරීමෙහි ලා සභාවෙහි වගකීම ඉටුකිරීමේ දැක්ම මෙන්ම ස්වභාෂාවෙන් සේවය කළ හැකි ගුරුවරුන්, දේශකයින් සහ දේවධර්මවේදීන්ගෙන් සභාවට සම්පත් සැපයීමේ අරමුණ පැවතිණි.
අද, කොහුවල පරිශ්‍රයේ පිහිටි කැම්පස් එක හැරුණු විට, පළාත් පහක ප්‍රාදේශීය අධ්‍යයන මධ්‍යස්ථාන 9 ක CTS වැඩසටහන් සඳහා ප්‍රවේශ විය හැකිය.
